Portieri i Kombëtares së Kosovës, Arijanet Muriq, pritet të bëhet transferim i përhershëm te skuadra italiane Sassuolo. Klubi ka nisur kontaktet me Ipswich Townin për blerjen e plotë të Muriqit para përfundimit të sezonit aktual, duke shfrytëzuar opsionin e blerjes për 10 milionë euro. Muriq, i cili u huazua te Sassuolo para fillimit të sezonit, ka bindur drejtuesit e klubit me paraqitjet e tij dhe ka regjistruar 26 paraqitje në Serie A, duke u përfshirë edhe në formacionin më të mirë të javës së fundit. Ai do të firmosë kontratë me Sassuolon deri në verën e vitit 2030, ndërsa kontrata e tij me Ipswichin zgjat deri në vitin 2028.