Janë shpallur emrat e futbollistëve të nominuar për çmimin prestigjioz “Topi i Artë” dhe vetëm një lojtar nga Serie A ka arritur të jetë në listën finale. Kapiteni i Interit, Lautaro Martinez, është i vetmi përfaqësues i kampionatit italian në mesin e më të mirëve të vitit. Kjo situatë reflekton momentin e vështirë që po kalon Serie A, e cila dikur konsiderohej si liga më e fortë në botë. Për një kampionat me histori dhe traditë të thellë, mungesa e më shumë emrave në këtë garë është një sinjal shqetësues për nivelin aktual të futbollit italian.