Presidenti i Federatës Marokene të Futbollit, Fouzi Lekjaa, ka shprehur dëshirën që Maroku të përballet me Lamine Yamalin në finalen e Kupës së Botës 2026, për t’i treguar nëse ka bërë zgjedhjen e duhur duke zgjedhur të luajë për Spanjën. Federata Marokene kishte zhvilluar takime me talentin e Barcelonës, duke e ftuar të përfaqësonte Marokun, por Yamali vendosi të luajë për vendin ku ka lindur, Spanjën. Lekjaa theksoi se respekton vendimin e lojtarit dhe i dëshiron çdo të mirë, duke theksuar projektin ambicioz të futbollit maroken që synon pjesëmarrje të rregullt në turnetë afrikane dhe Kupën e Botës. Deklarata e presidentit maroken ka tërhequr vëmendje gjatë këtij Botërori, duke nxitur një sfidë simbolike mes dy vendeve për talentin e ri.