Shakhtar Donetsk, kampioni i Ukrainës, po negocion me Chelsea për të luajtur ndeshjet e tij si vendas në edicionin e ardhshëm të Champions League në “Stamford Bridge”. Që nga viti 2014, klubi ukrainas nuk ka mundur të përdorë “Donbas Arenën” për shkak të luftës në rajonin e Donetskut dhe ka zhvilluar ndeshjet në vende të ndryshme evropiane. “Stamford Bridge” me kapacitet prej rreth 40,000 vendesh shihet si zgjidhja ideale, sidomos pasi Chelsea nuk do të marrë pjesë në kompeticionet evropiane këtë sezon dhe komuniteti i madh ukrainas në Londër mund të mbështesë ekipin.