Federata e Futbollit e Shqipërisë njoftoi se të gjitha biletat e rezervuara për tifozët shqiptarë në ndeshjen e fazës “play-off” për Kupën e Botës 2026 kundër Polonisë janë shitur plotësisht për shkak të interesit të jashtëzakonshëm. Procesi i shpërndarjes së biletave u realizua përmes një shorti elektronik, duke garantuar një numër maksimal të tifozëve kuqezi në stadiumin “PGE Narodowy” në Varshavë. Ndeshja do të zhvillohet të enjten, më 26 mars, në orën 20:45 dhe në rast fitoreje, Shqipëria do të kualifikohet në finalen e “play-off”-it përballë fituesit të duelit Ukrainë–Suedi. Federata falënderoi tifozët për mbështetjen e tyre dhe u bëri thirrje që të respektojnë udhëzimet e organizatorëve polakë gjatë qëndrimit në stadium.