Manchester United ka konfirmuar se shkarkimi i trajnerit Ruben Amorim mund t’i kushtojë klubit deri në 18 milionë euro, një shifër më e lartë se ajo që ishte raportuar fillimisht. Sipas një raporti të publikuar në Bursën e Nju Jorkut, klubi ka lënë mënjanë 15.9 milionë paund (rreth 18.17 milionë euro) për kompensimin maksimal të trajnerit portugez dhe stafit të tij. Kjo shumë lidhet me faktin që Amorim mbetet pa klub dhe vazhdon të jetë në “listën e pagave” të Manchester United derisa të gjejë një destinacion të ri. Pas shkarkimit të tij më 5 janar, skuadra ka rifilluar të shënojë suksese, ndërsa pagesa për Amorimin varet nga angazhimi i tij i ardhshëm profesional.