Shkëndija e Tetovës u eliminua nga garat evropiane në fazën e play-off-it të Conference League pas humbjes së thellë me rezultat 4:0 në ndeshjen e kthimit ndaj Samsunspor në Turqi. Skuadra turke kishte fituar edhe ndeshjen e parë në Shkup me rezultatin 1:0, duke siguruar kalimin në fazën e 1/8-ave të finales. Golat për Samsunspor i shënuan Ntcham nga penalltia në minutën e 53-të, Ndiaye në të 71-tën dhe Marius dy herë në minutat 79 dhe 90+2. Megjithatë, Shkëndija largohet nga Europa me kokën lart, duke shënuar një arritje historike për futbollin maqedonas me kalimin e fazës së ligës.