Shkëndija e Tetovës do të luajë të enjten ndeshjen e kthimit kundër NK Bravo në raundin e dytë kualifikues të Ligës së Konferencës së UEFA-s, në stadiumin “Toshe Proeski” në Shkup. Pas humbjes së ngushtë 2-1 në Slloveni, skuadra tetovare është e vendosur të bëjë përmbysjen dhe të sigurojë kalimin në fazën tjetër të garës evropiane. Për të nxitur mbështetjen maksimale të tifozëve, drejtuesit e klubit kanë vendosur që hyrja në këtë ndeshje të jetë falas, duke bërë thirrje për një mbështetje masive në stadium. Ky veprim synon të krijojë një atmosferë të zjarrtë në tribunat e “Toshe Proeski” dhe të ndihmojë Shkëndijën të arrijë ëndrrën evropiane.