Federata Shqiptare e Futbollit ka zyrtarizuar dy ndeshjet miqësore të kombëtares shqiptare për muajin qershor, të cilat do të zhvillohen në stadiumin “Air Albania” në Tiranë. E para do të jetë më 3 qershor ndaj Izraelit, duke filluar nga ora 20:00, një përballje që shënon takimin e shtatë historik mes dy skuadrave dhe e para miqësore, pasi më parë janë ndeshur vetëm në kualifikueset e Kampionateve Botërore dhe Evropiane. Bilanci i mëparshëm tregon dy fitore për Shqipërinë dhe katër humbje ndaj Izraelit. Më 6 qershor, po në orën 20:00, kuqezinjtë do të luajnë një tjetër miqësore ndaj Luksemburgut, gjithashtu në “Air Albania”, duke kompletuar kështu programin miqësor të muajit.