Pilotët e rinj nga klubi aeronautik “Shqiponjat e Kastriotit” kanë shkruar histori në garën ndërkombëtare të paraglidizmit në Alicante, Spanjë, duke dominuar disiplinën Accuracy Landing. Në një konkurencë me 115 pilotë, ku vetëm 61 morën pjesë në fazën finale, ekipi kosovar fitoi pothuajse të gjitha medaljet kryesore, duke treguar një nivel të lartë përgatitjeje. Arbër Shala, vetëm 14 vjeç, arriti vendin e parë në kategorinë e përgjithshme dhe në atë të juniorëve, ndërsa Migjen Shala dhe Lisjeta Thaqi u renditën përkatësisht i treti dhe i pesti. Në konkurrencën e femrave, Lisjeta Thaqi fitoi vendin e parë, ndërsa Anisa Shala u rendit e katërta dhe e dyta në kategorinë e juniorëve, duke kontribuar në triumfin ekipor të Kosovës nën drejtimin e trajnerit Fanol Shala.