Shefit Shefiti, sulmuesi 28-vjeçar shqiptar nga Maqedonia e Veriut, po shkëlqen në futbollin e Emirateve të Bashkuara Arabe, duke u bërë protagonist i një suksesi të jashtëzakonshëm. Pas një formë të shkëlqyer në kampionatin maqedonas me 11 gola në 12 ndeshje, ai u transferua në janar te Hatta, një klub i Dubait që luftonte për ngjitjen në Premier Ligë. Në 14 ndeshje me Hatta, Shefiti shënoi 10 gola dhe dha 5 asistime, duke ndihmuar skuadrën të shpallej kampione të Divizionit të dytë, duke kaluar në javën e fundit edhe ekipin e drejtuar nga Andrea Pirlo. Ndërkohë, futbollistë të tjerë shqiptarë si Rey Manaj dhe Feta Fetai nuk arritën të lënë gjurmë në këtë kampionat të vështirë dhe shumë konkurrues, ku luajnë edhe emra të njohur ndërkombëtarë si Seferovic dhe Balotelli.