Medina Ali, një sportiste 29-vjeçare me prejardhje nga Mali i Zi, po shkruan histori në wrestlingun amerikan duke u bërë shqiptarja e parë që ndërton një karrierë të suksesshme në këtë disiplinë. Rruga e saj drejt suksesit ka qenë e vështirë dhe e mbushur me sfida, pasi fillimisht u angazhua në sporte të ndryshme si basketbolli, futbolli dhe artet marciale, përfshirë Jiu-Jitsun. Vendimi për t’u marrë me wrestling u prit me skepticizëm, madje edhe nga familja, e cila në fillim nuk e përkrahte këtë zgjedhje për shkak të stereotipeve gjinore. Megjithatë, pas arritjeve të para të Medinës, prindërit e saj u bënë mbështetës të zjarrtë të karrierës së saj në këtë sport.