Telekomi i Kosovës ka siguruar të drejtat ekskluzive për transmetimin e Kupës së Botës FIFA 2026 në territorin e Kosovës, duke garantuar qasje të gjerë për qytetarët. Nga 104 ndeshje, 64 do të transmetohen falas përmes Radiotelevizionit të Kosovës (RTK), duke i bërë ato të disponueshme për të gjithë pa pagesë shtesë. Mbi 20,000 klientë të Telekomit kanë akses në të gjitha ndeshjet pa pagesë, ndërsa për 40 ndeshjet ekskluzive është krijuar një model i hapur që u mundëson të gjithë qytetarëve të ndjekin Botërorin përmes platformës TV Vala me një pagesë të vetme prej 20 eurosh, pavarësisht operatorit të internetit që përdorin.