Tri nga gazetat më të mëdha sportive në Spanjë kanë komentuar suksesin historik të Paris Saint-Germain në Ligën e Kampionëve, duke e lidhur ngushtë me largimin e Kylian Mbappes nga skuadra. Marca thekson se trajneri Luis Enrique ka ndryshuar rrjedhën e historisë së PSG-së, duke e ngritur klubin në një nivel tjetër pavarësisht humbjes së yllit. AS vlerëson aftësinë e teknikut spanjoll për ta kthyer largimin e Mbappes nga një problem në një avantazh për skuadrën. Ndërsa Mundo Deportivo shprehet më ashpër, duke theksuar se skuadra u çlirua nga "hija e Mbappes" dhe falë kësaj, lojtarë si Ousmane Dembele arritën të shkëlqenin dhe të fitonin titullin e dytë radhazi në Champions League.