Ish-presidenti i Barcelonës, Josep Maria Bartomeu, ka pranuar se klubi katalanas ishte shumë pranë transferimit të Vinicius Junior, duke pasur kontakte direkte me familjen dhe agjentët e lojtarit. Madje ekzistonte një marrëveshje paraprake mes Barcelonës dhe Vinicius, por në momentin vendimtar Real Madridi ndërhyri me një ofertë më të mirë financiare. Kjo ndërhyrje bëri që braziliani të zgjedhë “Los Blancos”, ku u shndërrua në një nga yjet kryesorë të skuadrës. Barcelona mbeti duke parë nga larg suksesin e tij, duke e konsideruar këtë si një nga keqardhjet më të mëdha të klubit në vitet e fundit.