Manchester City po përballet me sinjale të rëndësishme ndryshimi, pasi dy bashkëpunëtorë të ngushtë të Pep Guardiolës, trajneri i fitnesit Lorenzo Buenaventura dhe trajneri i portierëve Xabi Mancisidor, pritet të largohen nga klubi në fund të sezonit. Buenaventura ka qenë pjesë e stafit të Guardiolës për më shumë se 15 vite, duke e ndjekur atë nga Barcelona te Bayern Munich dhe më pas te Manchester City, ndërsa Mancisidor do të largohet pas skadimit të kontratës së tij gjatë verës. Këto largime po interpretohen si sinjalet e para për një mundësi largimi të trajnerit spanjoll nga “Etihad”, megjithëse vendimi përfundimtar pritet të merret pas përfundimit të sezonit. Në këtë kontekst, Manchester City po përgatitet për çdo skenar dhe ka nisur të përgatisë terrenin për Enzo Marescan, trajner me filozofi të ngjashme me Guardiolën, si pasardhës të mundshëm në drejtimin e skuadrës.