Sulmuesi i Kombëtares së Shqipërisë, Jasir Asani, ka folur për situatën e vështirë në Iran ku luan me klubin Esteghlal, pas nisjes së konfliktit me SHBA dhe Izraelin. Ai tregoi se në fillim situata ishte shumë e rëndë, por sipas komunikimeve me bashkëlojtarët, gjendja është qetësuar paksa. Klubi ka thirrur lojtarët të kthehen për stërvitje, por kthimi është i vështirë për shkak të mungesës së fluturimeve dhe tensioneve në vend. Asani shpreh shpresën që situata të normalizohet sa më shpejt, në mënyrë që të rifillojnë ndeshjet dhe aktivitetet sportive si më parë.