KF Trepça reagoi ashpër pas publikimit të dokumentarit “Liri për Trepçën” nga tifogrupi Torcida, duke e cilësuar atë si një përpjekje manipulimi dhe dezinformimi. Klubi sqaroi se ngjarja e përmendur në dokumentar i përket vitit 2018, kur një ish-udhëheqës jozyrtar i tifogrupit kishte marrë bileta për t’i shitur, por nuk kishte kthyer të gjitha mjetet financiare, duke dëmtuar klubin. Për këtë arsye, KF Trepça ndërpreu çdo bashkëpunim me këtë person dhe theksoi se ai vazhdon të zhvillojë fushata kundër klubit për interesa personale. Klubi u bëri thirrje tifozëve të mos bien pre e dezinformatave dhe tentativave për përçarje, duke theksuar se do të mbrojë gjithmonë integritetin dhe pastërtinë e tij.