Një skandal i rëndë ka përfshirë Championship-in anglez, ku Southampton akuzohet për spiunazh ndaj Middlesbrough para gjysmëfinales së play-offit. Middlesbrough pretendon se një anëtar i stafit të Southamptonit, identifikuar si William Salt, ka filmuar fshehurazi një seancë stërvitore të tyre, duke shkelur rregullat e EFL-së dhe duke cenuar integritetin sportiv. Klubi i Middlesbrough kërkon një dënim sportiv që do të ndalonte Southamptonin të luante në finalen e play-offit, ndërsa EFL ka nisur një hetim disiplinor dhe pritet të marrë vendim deri më 19 maj. Situata ka shkaktuar polemika të mëdha, me Middlesbrough që shpreh keqardhje për refuzimin e kërkesës së tyre për të marrë pjesë në dëgjim dhe paralajmëron se do të përdorë të gjitha të drejtat ligjore për të mbrojtur integritetin e garës.