Përfaqësuesja e Sllovakisë do të luajë ndaj Kosovës të enjten në Bratislavë me mungesa të rëndësishme për shkak të lëndimeve. David Duris, futbollisti i krahut të majtë që aktivizohet te Rosenborgu, nuk do të jetë në dispozicion për shkak të një lëndimi në shpatull gjatë stërvitjes. Në dyshim mbetet edhe kapiteni Milan Skriniar, i cili do të vlerësohet në mëngjesin e ndeshjes për të vendosur nëse do të luajë. Përzgjedhësi Francesco Calzona ka vlerësuar lart ekipin e Kosovës, duke theksuar se do të jetë një ndeshje e vështirë, pasi Kosova është mirë e organizuar dhe ka pasur një kampanjë të suksesshme kualifikuese për Botërorin 2026.