Kombëtarja e Sllovakisë po përgatitet për ndeshjen gjysmëfinale të play-off-it për Kupën e Botës 2026 kundër Kosovës, që do të zhvillohet më 26 mars në Bratisllavë. Trajneri Francesco Calzona dhe stafi i tij përballen me probleme të shumta, për shkak të lëndimeve dhe situatave të paqarta me disa lojtarë kyç, si Milan Škriniar dhe Dominik Greif, ndërsa disa titullarë të rëndësishëm munguan edhe gjatë vitit të kaluar. Sllovakia synon të kualifikohet për herë të dytë në histori në Botëror, pas pjesëmarrjes së vitit 2010, por viti 2025 ka qenë i dobët me vetëm katër fitore në dhjetë ndeshje dhe shumë gola të pësuar. Federata e Futbollit e Sllovakisë njoftoi se lista zyrtare e lojtarëve për ndeshjen me Kosovën do të publikohet më 19 mars, në një konferencë për shtyp në Bratisllavë, ndërsa ndeshja finale e play-off-it do të zhvillohet më 31 mars mes fituesit të kësaj sfide dhe përballjes Turqi-Rumani.