Atletico Madrid siguroi kalimin në të tetën e finales së Champions League pas një fitoreje bindëse 4:1 ndaj Club Bruggen në ndeshjen e kthimit, pas një barazimi 3:3 në takimin e parë në Belgjikë. Norvegjezi Alexander Sorloth ishte protagonist me një het-trik, duke shënuar në minutat 23, 76 dhe 87, ndërsa Johnny Cardoso realizoi golin tjetër për spanjollët. Për skuadrën belge shënoi Joel Ordonez në minutën e 36-të, por përpjekjet e tyre nuk mjaftuan për të surprizuar Atletico Madridin në “Metropolitano”. Kjo fitore konfirmon formën e mirë të Atletico në Ligën e Kampionëve dhe i jep atyre shpresë për fazat e ardhshme të garës.