Sot në orën 12:00 në Nyon të Zvicrës do të zhvillohet shorti për fazën e 1/8 së finales së Ligës së Kampionëve 2025/26. Ceremonia do të mbahet në Shtëpinë e Futbollit Evropian dhe do të transmetohet drejtpërdrejt në platformat zyrtare të UEFA-s. Në short marrin pjesë 16 skuadra, përfshirë 8 ekipet më të suksesshme të fazës së ligës dhe 8 fituesit e play-off-eve, ku skuadrat e fazës së ligës do të përballen me ato të kualifikuara nga play-off-i dhe do të kenë përparësinë që ndeshjen e kthimit ta luajnë në shtëpi. Përveç përcaktimit të çifteve të raundit të 16-të, shorti do të vendosë edhe skemën e plotë të fazës eliminatore, duke treguar rrugën e ekipeve deri në finalen e madhe të kompeticionit.