Trajneri i Juventusit, Luciano Spalletti, ka kontaktuar personalisht mesfushorin portugez Bernardo Silva për ta bindur që t’i bashkohet klubit torinez në fund të sezonit. Negociatat mes Juventusit dhe agjentit të Silvës, Jorge Mendes, kanë nisur prej disa javësh, ndërsa kontrata e lojtarit me Manchester City skadon në qershor. Juventusi i ka ofruar Silvës një kontratë trevjeçare me vlerë rreth shtatë milionë euro në sezon, duke e bërë atë një nga objektivat kryesorë të merkatos së verës. Përveç Juventusit, interes për Silvën kanë shfaqur edhe Benfica dhe Barcelona, ndërsa portugezi ka shënuar tri gola dhe pesë asistime në 47 paraqitjet e këtij edicioni.