Trajneri i Juventusit, Luciano Spalletti, ka pranuar se klubi ka bërë disa transferime të gabuara në vitet e fundit, duke theksuar se tani po përpiqen t’i korrigjojnë këto gabime me drejtuesit e rinj të klubit. Ai u shpreh i kënaqur me paraqitjen e skuadrës në fitoren 2-0 ndaj Nice, duke vlerësuar përmirësimin në organizimin mbrojtës dhe presingun e ekipit. Spalletti veçoi rikthimin e Douglas Luiz, i cili luajti me më shumë ritëm dhe ndihmoi në mbulimin e mbrojtjes, duke treguar se është i vendosur të fitojë një tjetër mundësi në skuadër. Ndërkohë, merkatoja e Juventusit po ecën me qetësi, me negociata në zhvillim për përforcime si Randal Kolo Muani dhe Kerim Alajbegovic, ndërsa trajneri shprehu besim te puna dhe përkushtimi i drejtuesve të rinj për të rikthyer klubin në rrugën e suksesit.