Trajneri i Juventusit, Luciano Spalletti, ka kërkuar përforcime të rëndësishme në mesfushë për merkaton e verës, duke e konsideruar këtë repart si “zemrën” e skuadrës. Emri i preferuar i tij është Stanislav Lobotka, mesfushori i Napolit me të cilin ka punuar më parë dhe që sjell eksperiencë dhe stabilitet. Megjithatë, klubi napolitan përbën pengesë për transferimin, pasi klauzola e largimit prej 25 milionë eurosh vlen vetëm për klubet jashtë Italisë, ndërsa bisedimet për rinovimin e kontratës së Lobotkas janë pezulluar. Juventus pritet të bëjë një ofertë të konsiderueshme dhe tentativë zyrtare për të bindur presidentin Aurelio De Laurentiis, duke mbajtur gjithashtu të hapura edhe opsionet e tjera në merkato, ku përmenden edhe emra si Bernardo Silva, Leon Goretzka dhe Franck Kessié.