Presidentja e Komitetit Paralimpik të Kosovës, Njomza Emini, ka përfaqësuar vendin në sesionin “Small Country, Big Impact: Developing Inclusive Para Sport Initiatives” në Stamboll, ku diskutoi për politikat dhe zhvillimin e parasportit në vendet e vogla. Ajo theksoi se për Kosovën, çdo hap përpara kërkon përkushtim të madh, partneritete të forta dhe besim në fuqinë e sportit si mjet për gjithëpërfshirje dhe ndryshim shoqëror. Pavarësisht sfidave, Komiteti Paralimpik i Kosovës vazhdon të ndërtojë një lëvizje të denjë për sportistët dhe vendin, duke dëshmuar se vullneti është më i fortë se çdo pengesë. Falë mbështetjes së European Paralympic Committee, rrugëtimi i Kosovës në fushën paralimpike po zhvillohet me këmbëngulje dhe përkushtim të vazhdueshëm.