Një delegacion i Federatës së Futbollit Shqiptar në Gjermani dhe Unionit Shqiptar të Futbollit në Zvicër u prit nga Ministri i Sportit, Blerim Gashani, ku u diskutua për bashkëpunimin dhe mbështetjen institucionale të sportit në diasporë. Kryetari Afrim Osmanaj theksoi rolin e futbollit si mjet për ruajtjen e identitetit kombëtar dhe lidhjen e brezave të rinj shqiptarë nëpërmjet aktiviteteve sportive. Në fokus ishte edhe turneu tradicional i klubeve shqiptare në Frankfurt më 27-28 qershor, i cili do të bashkojë mbi 30 klube dhe do të promovojë vlerat kulturore dhe sportive të diasporës. Ministri Gashani premtoi angazhim maksimal dhe bashkëpunim me Ministrinë e Jashtme për të forcuar lidhjet me diasporën, ndërsa u ftua të marrë pjesë në këtë ngjarje të rëndësishme për komunitetin shqiptar jashtë vendit.