Superliga e Kosovës në futboll nuk ndalet, pasi xhiroja e 31-të do të zhvillohet në mesjavë, më saktësisht të mërkurën dhe të enjten, me fillim nga ora 15:00. Në ditën e parë do të zhvillohen tri ndeshje, përfshirë edhe derbin e madh Drita – Prishtina, ndërsa të enjten do të luhen dy ndeshjet e fundit të kësaj xhiroje. Aktualisht, Drita kryeson tabelën me 57 pikë, pesë më shumë se Ballkani që ndodhet në vendin e dytë, ndërsa Malisheva dhe Prishtina janë në vendet e treta dhe të katërta me 46 dhe 45 pikë. Janë edhe gjashtë xhiro që mbeten deri në përfundim të sezonit, duke bërë këtë xhiro të mesjavës shumë të rëndësishme për garën e titullit.