Në Hotelin Sheraton në Prishtinë ka nisur Kampionati ekipor i Superligës së Kosovës në shah, ku marrin pjesë shtatë nga ekipet më të njohura të vendit. Garat zhvillohen me 7 xhiro dhe secili ekip luan me secilin, ndërsa Shadërvani i Prizrenit mungoi në xhiron e parë. Ferizaj, me kryemjeshtrin Daniel Dardha në krye, shënoi fitore maksimale 6:0 ndaj Ferizaj I, ndërsa Drejtësia mundi Drenasin me rezultat 5.5:0.5. Rahoveci fitoi 4:2 ndaj Prizrenit, ndërsa Dardania fitoi pa luajtur 6:0 kundër Shadërvanit. Federata e Shahut të Kosovës theksoi bashkëpunimin me Federatën Shqiptare për lehtësimin e pjesëmarrjes së shahistëve dhe zbatimin e rregullave të FIDE-së, me praninë e zyrtarëve ndërkombëtarë që përgëzuan organizimin dhe nivelin e garës.