Trajneri i Kombëtares shqiptare, Sylvinho, së bashku me ndihmësit e tij, kanë zhvilluar një vizitë në Turqi për të ndjekur nga afër paraqitjet e lojtarëve kuqezi në klubet e tyre. Ata ishin prezentë në ndeshjen e Kupës së Turqisë mes Istanbul Başakşehir dhe Trabzonspor, ku sulmuesi Ernest Muçi luajti titullar dhe qëndroi në fushë për 90 minuta. Një ditë më pas, stafi teknik ndoqi edhe përballjen Besiktas – Çaykur Rizespor, ku u aktivizua mesfushori Kristjan Asllani, ndërsa mesfushori tjetër i Kombëtares, Qazim Laçi, qëndroi në stol. Kjo vizitë është pjesë e procesit të vazhdueshëm të monitorimit të lojtarëve për përgatitjet e ndeshjes së rëndësishme të play-off-it të Botërorit ndaj Polonisë, duke mbajtur kontakt të drejtpërdrejtë me ta dhe ndjekur formën e tyre në klubet respektive.