Selektori i Kombëtares së Shqipërisë, Sylvinho, do të publikojë të shtunën në orën 10:00 listën e lojtarëve të ftuar për ndeshjen gjysmëfinale të plejofit për kualifikim në Kampionatin Botëror 2026 kundër Polonisë. Një orë më pas, ai do të mbajë konferencën e parë për shtyp para grumbullimit, i cili nis të hënën me stërvitjen e parë. Ndeshja Poloni – Shqipëri do të zhvillohet më 26 mars në Varshavë në orën 20:45. Në rast fitoreje, Shqipëria do të luajë më 31 mars në finale të plejofit kundër fituesit të duelit Ukrainë – Suedi, ndërsa në rast humbjeje do të përballet me humbësin e këtij dueli, gjithashtu në transfertë.