Sylvinho, ish-trajneri i kombëtares shqiptare dhe ish-futbollisti i Barcelonës, është rikthyer në stadiumin legjendar “Camp Nou” për të ndjekur ndeshjen mes Barcelonës dhe Al Ahly, e vlefshme për trofeun “Gamper”. Gjatë vizitës, ai u takua me drejtorin sportiv të klubit, Deco, me të cilin ka pasur një lidhje të ngushtë edhe në të kaluarën. Sylvinho ndau emocionet e tij përmes një postimi në rrjetet sociale, ku shprehu mirënjohjen për mikpritjen dhe përjetimet e bukura që ka pasur në këtë stadium. Ai theksoi rëndësinë që ka për të ky vend dhe falenderoi veçanërisht drejtuesit e klubit dhe mikun e tij të vjetër, Deco, duke theksuar lidhjen e fortë që e bashkon me Barcelonën.