Pas fitores së Barcelonës ndaj Real Madridit dhe sigurimit të titullit në La Liga, portieri Wojciech Szczesny dhe sulmuesi Lewandowski u panë duke festuar në autobusin e hapur në rrugët e Barcelonës me paketa cigaresh në dorë. Szczesny, i njohur me nofkën “El Fumador” për shkak të zakonit të tij ndaj duhanit, u bë objekt i një shaka të tifozëve që i hodhën cigare gjatë paradës. Portieri 37-vjeçar, i cili është sportisti aktiv që flet hapur për përdorimin e duhanit, u shfaq i qetë dhe i relaksuar duke pirë vape gjatë festës. Tifozët e Barcelonës e përkrahin atë me këngën “Szczesny fumador”, duke e bërë këtë moment viral dhe duke treguar një anë të veçantë të festimeve pas triumfit të madh.