Wojciech Szczesny, portieri i Barcelonës dhe ish-lojtar i Juventusit, ka komentuar në mënyrë ironike të ardhmen e bashkëkombësit të tij Robert Lewandowski, i cili po konsideron një kalim te Juventusi pasi i afrohet fundi i kontratës me Barcelonën. Duke folur për “Eleven Sports Polonia”, Szczesny i ka sugjeruar Lewandowskit që të mos shkojë te Juventusi, por të tërhiqet nga futbolli, pasi sipas tij, pas pensionimit do të vijnë oferta më të mira. Kjo deklaratë bazohet në përvojën personale të Szczesny, i cili kishte menduar të pensionohej pas largimit nga Juventusi, por më pas u rikthye në fushë duke u bashkuar me Barcelonën dhe duke vazhduar karrierën në nivele të larta. Lewandowski, i cili do të mbushë 38 vjeç këtë gusht, mbetet në qendër të spekulimeve për transferime, me interesim nga klube të mëdha italiane si Juventusi dhe Milani, ndërsa vendimi për të ardhmen e tij pritet të merret në muajt e ardhshëm.