Kryetari i Federatës së Futbollit të Kosovës, Agim Ademi, ka takuar legjendën braziliane të futbollit, Ronaldon, të cilin e cilësoi si një kampion të madh brenda dhe jashtë fushës. Në një postim në rrjetet sociale, Ademi rikujtoi vizitën historike të Ronaldos në Kosovë në qershor të vitit 1999, menjëherë pas përfundimit të luftës, kur ai ishte Ambasador i Vullnetit të Mirë i OKB-së. Gjatë asaj vizite, Ronaldo vizitoi Gjakovën e shkatërruar dhe u dha shpresë dhe mbështetje morale qytetarëve në një nga periudhat më të vështira të vendit. Ky takim dhe kujtimi i vizitës nënvizojnë lidhjen e veçantë që legjenda e futbollit ka me Kosovën, duke mbetur një figurë e dashur dhe e respektuar në zemrat e qytetarëve.