Në ekipin kombëtar francez po përfliten tensione të forta midis Kylian Mbappe dhe N’Golo Kante, të cilat u bënë publike pas një videoje virale që tregon shmangien e tyre në tunel para ndeshjes miqësore kundër Bregut të Fildishtë. Përçarja mes tyre duket se ka rrënjë që nga një incident në ndeshjen kundër Kolumbisë në mars 2016, ku Mbappe kërkoi që shiritin e kapitenit t’i merrej Kantes pa e pyetur drejtpërdrejt, një gjest që u pa si mungesë respekti. Situata u përkeqësua edhe më shumë kur Mbappe u largua nga kampi stërvitor pas ndeshjes me Irlandën e Veriut për arsye personale, por tifozët u shqetësuan kur u panë imazhe të tij në Madrid me aktoren Ester Exposito, duke ngritur dyshime mbi përkushtimin e tij ndaj ekipit. Këto zhvillime kanë shkaktuar polemika të shumta në Francë dhe kanë nxitur spekulime rreth atmosferës së brendshme në skuadër.