E ardhmja e Kylian Mbappes te Real Madrid është bërë një çështje e ndërlikuar pas një sezoni zhgënjyes për klubin spanjoll, i cili u eliminua nga të gjitha garat dhe përfundoi pa trofe. Atmosfera në dhomat e zhveshjes është tensionuar, ndërsa sulmuesi francez është kritikuar për paraqitjet dhe disa vendime të tij, duke përfshirë nisjen e pushimit para përfundimit të sezonit. Ndërkohë, tifozët e Real Madridit po rritin presionin me një peticion “Mbappe Out” që ka kaluar 1.5 milion nënshkrime. Në këtë klimë, Liverpooli ka shfaqur interes serioz për transferimin e Mbappes, duke parë tek ai një përforcim të madh për ekipin, megjithëse negociatat mbeten të komplikuara për shkak të kostove dhe situatës kontraktuale.