Teun Koopmeiners mund të largohet së shpejti nga Juventusi pas dy sezoneve të vështira në Torino, ku nuk arriti të përmbushë pritshmëritë e klubit. Pas një takimi të fundit mes agjentit të tij dhe drejtuesve bardhezi, është vendosur që lojtari të jetë i disponueshëm për transferim me një çmim minimal prej rreth 30 milionë eurosh, për të shmangur humbje financiare nga investimi prej 60 milionë eurosh. Në moshën 28-vjeçare, mesfushori holandez ka shënuar vetëm 7 gola në 87 ndeshje dhe është aktivizuar në pozicione të ndryshme nga trajnerë të ndryshëm, por nuk ka arritur të shkëlqejë. Interesi për Koopmeiners vjen nga klube si Manchester United dhe Galatasaray, megjithëse këto skuadra preferojnë huazime në vend të blerjeve të përhershme, çka mund të komplikojë negociatat.