Teuta ka fituar ndeshjen e “play-out” ndaj Pogradecit me rezultatin 1-0 në stadiumin “Niko Dovana”, duke siguruar qëndrimin në Abissnet Superiore për sezonin e ardhshëm. Trajneri aktual Bledar Hodo, i cili drejtoi skuadrën në këtë sfidë vendimtare pas largimit të Enkelejd Dobit, shprehu emocione dhe falenderoi tifozët për mbështetjen gjatë një periudhe të vështirë. Në tribunë ishte i pranishëm Edlir Tetova, i cili pritet të marrë drejtimin e Teutës, pasi ka arritur marrëveshjen me klubin dhe mungon vetëm prezantimi zyrtar. Tetova u largua nga Egnatia para përfundimit të sezonit dhe tani do të përpiqet të rikthejë stabilitetin dhe suksesin te skuadra durrsake.