Ministri i Sportit dhe Rinisë së Kosovës, Blerim Gashani, zhvilloi një takim me ambasadorin britanik në Kosovë, Jonathan Hargreaves, ku diskutuan për thellimin e bashkëpunimit institucional në fushën e rinisë dhe sportit. Gjatë takimit u fokusuan në zhvillimin e programeve dhe iniciativave të përbashkëta që synojnë fuqizimin e të rinjve dhe avancimin e sektorit sportiv në Kosovë. Gashani shprehu mirënjohje për mbështetjen e vazhdueshme të Mbretërisë së Bashkuar dhe rolin e saj si partner i rëndësishëm në politikat rinore dhe sportive. Ky bashkëpunim pritet të kontribuojë në zhvillimin e kapaciteteve të të rinjve dhe në avancimin e politikave në këto fusha.