Mesfushori i kombëtares së Ganës, Thomas Partey, nuk do të mund të marrë pjesë në ndeshjen hapëse të ekipit të tij në Kupën e Botës 2026 kundër Panamasë, pasi autoritetet kanadeze i kanë refuzuar hyrjen në vend. Kërkesa e tij për vizë u rrëzua fillimisht dhe apeli i paraqitur në Gjykatën Federale të Kanadasë u hodh poshtë, për shkak të mosdeklarimit të akuzave penale që ai përballet në Mbretërinë e Bashkuar. Partey përballet me shtatë akuza për përdhunim dhe një për sulm seksual në Londër, akuza të cilat ai i mohon dhe për të cilat procesi gjyqësor është ende në zhvillim. Pavarësisht vendimit, trajneri i Ganës e ka përfshirë mesfushorin në listën përfundimtare, duke u mbështetur në parimin e prezumimit të pafajësisë, por mungesa e tij në fushë do të jetë një humbje e rëndësishme për ekipin në këtë fazë të turneut.