Julian Alvarez është kthyer në një figurë të diskutueshme te Atlético Madrid, pasi ka shprehur dëshirën për t’u larguar drejt Barcelonës, por klubi madrilen po bllokon këtë transferim. Kjo situatë ka shkaktuar pakënaqësi të madhe te tifozët, të cilët e pritën sulmuesin argjentinas me fishkëllima të fuqishme gjatë rikthimit të tij në stadiumin “Metropolitano”. Alvarez kishte kërkuar largimin që në maj, duke zhvilluar një takim me drejtuesit e klubit, ndërsa gjatë Kupës së Botës deklaroi se një ndarje do të ishte zgjidhja më e mirë për të gjithë palët. Megjithatë, drejtuesit e Atlético Madridit kanë qenë të vendosur për të mos e lejuar largimin, duke krijuar kështu një tension të vazhdueshëm mes lojtarit, klubit dhe tifozëve.