Juventusi mbylli fazën përgatitore me një fitore 2-0 ndaj ekipit të tij të ri, “Next Gen”, por ndeshja u ndërpre menjëherë pas nisjes së pjesës së dytë. Arsyeja ishte hyrja tradicionale e tifozëve në fushë për t’u afruar lojtarëve, për të bërë fotografi dhe për të marrë fanella si kujtim. Këtë herë, vëmendja kryesore ra mbi reprezentuesin kosovar Edon Zhegrova, të cilit tifozët iu afruan masivisht duke kërkuar fanellën dhe fotografi, duke shkaktuar ndërprerjen e takimit. Juventusi shpjegoi se trajneri Luciano Spalletti kishte planifikuar një formacion të ndryshëm për pjesën e dytë, por tifozët e ndërprenë lojën duke sjellë fishkëllimin e përfundimit të ndeshjes, ndërsa kjo traditë e tifozëve që hyjnë në fushë daton prej 67 vjetësh dhe ka për qëllim afrimin e ekipit me tifozët në një atmosferë familjare. Pas ndërprerjes, në fushë vazhduan momentet e buzëqeshjeve dhe fotografive mes lojtarëve dhe tifozëve, ndërsa klubi italian theksoi se tani fillon puna serioze për sezonin.