Ultrasit e Milanit organizuan protesta të fuqishme para ndeshjes, duke kërkuar shkarkimin e CEO-së Giorgio Furlani, të cilin e konsiderojnë përgjegjës për vështirësitë e fundit të klubit. Ata shfaqën pankarta dhe kore me mesazhe si “Furlani Ik” dhe “GF Out”, ndërsa mbi 20 mijë tifozë nënshkruan një peticion për largimin e tij. Megjithatë, pronari Gerry Cardinale duket i vendosur ta mbajë Furlanin në post, duke u mbështetur në bilancet financiare të qëndrueshme që vijnë nga shitjet rekord të lojtarëve. Situata sportive mbetet e tensionuar, pasi pa një fitore ndaj Atalantas, Milani rrezikon të humbasë vendin e tretë dhe të bie në renditje, duke u afruar me rivalët si Roma.