Gjatë ndeshjes së javës së 34-të në Ligue 1 mes Nantes dhe Toulouse në stadiumin “La Beaujoire”, tifozët e Nantes hynë në fushë në minutën e 22-të, duke shkaktuar ndërprerjen e ndeshjes. Situata u tensionua kur trajneri i Nantes, Vahid Halilhodzic, u përfshi në një debat verbal me tifozët revoltuar dhe u përpoq t’i qetësonte, por përplasja u afrua deri në rrezik për konflikt fizik. Forcat e sigurisë ndërhynë menjëherë për të larguar tifozët dhe për të shmangur incidente më të rënda, ndërsa ndeshja u ndërpre përkohësisht dhe lojtarët u dërguan në zhveshtore. Pas disa minutash, tifozët u kthyen në vendet e tyre dhe policia speciale u vendos pranë tribunës për të parandaluar përshkallëzime të mëtejshme, ndërkohë që trajneri u pa i prekur emocionalisht nga ngjarja.