Goztepe pësoi një humbje 2:4 ndaj Gaziantepit në Superligën turke, ku portieri gjeorgjian Luka Gugeshashvili pranoi katër gola në pjesën e parë dhe u largua nga loja në fillim të pjesës së dytë. Gjatë ndeshjes, ai u prit me vërshëllima nga tifozët e skuadrës së tij, të cilët shprehën pakënaqësinë për performancën e tij. Pas ndeshjes, portieri reagoi fuqishëm në rrjetet sociale, duke i drejtuar një mesazh të ashpër atyre që e kritikuan nga pas tastierave, duke paralajmëruar se “jeta është e gjatë, bota është e vogël” dhe se një ditë do të takohen në rrugë ose diku tjetër.