Atmosfera në Varshavë është ngjyrosur me emocionet e tifozëve shqiptarë dhe polakë para ndeshjes së play-off-it për Kupën e Botës. Qyteti polak është mbushur me flamuj kuqezi, tupanë dhe këngë, ndërsa rreth 3500 tifozë shqiptarë pritet të jenë brenda stadiumit, me shumë më tepër që kanë udhëtuar drejt Varshavës. Policia dhe strukturat e sigurisë kanë marrë masa të shtuara për të garantuar një event paqësor dhe të organizuar, dhe deri tani nuk janë regjistruar incidente. Tifozët nga të dy vendet festojnë së bashku në një atmosferë miqësore dhe sportive, duke kënduar dhe shfaqur respekt të ndërsjellë para fillimit të ndeshjes në orën 20:45.