Toni Kroos, legjenda e Real Madridit, pritet të rikthehet te klubi spanjoll në një rol brenda strukturës sportive, pas pensionimit të tij në vitin 2024. Ai ka qenë pjesë e Realit për 10 vite si lojtar, duke fituar pesë herë Ligën e Kampionëve dhe katër tituj të La Ligës, ndërsa tani do të angazhohet në një pozicion tjetër brenda klubit, megjithëse detajet e rolit të tij nuk janë ende të qarta. Rikthimi i Kroosit vjen në një moment sfidues për Realin, i cili këtë sezon ka shkëputur bashkëpunimin me trajnerin Xabi Alonso dhe rrezikon të mbyllë sezonin pa trofe, duke qenë në vend të dytë me një diferencë prej nëntë pikësh nga Barcelona në La Liga. Vendimi për rikthimin e Kroosit është marrë nga hierarkia e klubit dhe pritet të zyrtarizohet gjatë kësaj vere.