Edicioni i 70-të i “Topit të Artë” do të mbahet më 26 tetor 2026 në Londër, duke shënuar herën e parë që ceremonia largohet nga Parisi në historinë e saj. Kjo zhvendosje ka një kuptim simbolik, pasi trofeu feston 70-vjetorin në vendin e Stanley Matthews, fituesit të parë të çmimit në vitin 1956. Short-listat zyrtare me 30 kandidatë për meshkuj dhe 30 për femra do të publikohen më 8 shtator nga France Football, ndërsa garat pritet të jenë shumë të forta me emra si Rodri, Lamine Yamal, Fabian Ruiz, Mbappé, Messi dhe te femrat me dominimin e Barcelonës dhe yjet si Alexia Putellas. Përveç “Topit të Artë”, do të ndahen edhe çmime të tjera prestigjioze si Kopa, Yashin, Gerd Müller dhe Johan Cruyff, duke përfshirë edhe çmimin për Klubin e Vitit dhe çmimin Sócrates.